Fakulteti i Inxhinierisë Mekanike ka kënaqësinë të njoftojë se ka përfituar nga projekt-marrëveshja e rëndësishme në kuadër të programit Erasmus+ (2021-2027), me mbështetjen e Universitetit të Prishtinës dhe përkrahjen e Dekanatit të Fakultetit, Prof. Dr. Mirlind Bruçi, si dhe të koordinatorit të këtij projekti, Prof. Ass. Dr. Gëzim Hoxha, Shef i Departamentit të Trafikut dhe Transportit.

Ky projekt është pjesë e Erasmus+ Programme Inter-institutional Agreement, në kuadër të Key Action 1 (KA131 & KA171), dhe konsiston në një partneritet strategjik me Stanisław Staszic State University of Applied Sciences, Poloni.

Përmes këtij bashkëpunimi, do të krijohen mundësi të reja për mobilitetin e studentëve dhe stafit akademik, si dhe për zhvillimin e projekteve të përbashkëta kërkimore dhe mësimore. Ky sukses konfirmon angazhimin e Fakultetit të Inxhinierisë Mekanike për të nxitur ndërkombëtarizimin dhe për të ofruar mundësi të reja akademike për komunitetin e tij.

Urime Prof. Ass. Dr. Gëzim Hoxha për këtë arritje të rëndësishme! Fakulteti i Inxhinierisë Mekanike do të vazhdojë të mbështesë dhe promovojë zhvillimin profesional dhe akademik të studentëve dhe stafit të tij.