Dita Botërore e Inxhinierëve, e shënuar më 4 Mars 2025 në objektin e Fakulteteve Teknike, ka qenë një ngjarje e veçantë dhe e rëndësishme për të gjithë inxhinierët, organizuar nga Oda e Inxhinierëve të Kosovës në bashkëpunim me FIM, FIN dhe FIEK. Fjalimi i Dekanit të FIM, Profesor Mirlind Bruci, ka qenë një apel i fuqishëm për vlerësimin dhe angazhimin më të madh në këtë sektor. Ai ka theksuar se inxhinierët e diplomuar nga FIM kanë dhënë një kontribut të jashtëzakonshëm në zhvillimin e industrisë së Kosovës, duke u bërë liderë të suksesshëm jo vetëm në fushën e inxhinierisë, por edhe në biznes dhe në nivele të larta shtetërore.

Dekani ka nënvizuar gjithashtu se FIM, i cili këtë vit feston 57 vjetorin e themelimit, ka kontribuar në edukimin e brezave të rinj, të cilët janë të armatosur me njohuri dhe aftësi të nevojshme për të zgjidhur probleme komplekse dhe për të pasur sukses në karrierat e tyre. Fjalimi ka nxjerrë në pah faktin se inxhinierët e diplomuar nga ky fakultet janë të pranuar dhe të respektuar si profesionistë të shkëlqyer, si në Kosovë, ashtu edhe jashtë saj.

Një tjetër aspekt i rëndësishëm që u theksua ishte bashkëpunimi i ngushtë mes Fakultetit dhe industrisë. Dekani e ka përmendur këtë si një hap të rëndësishëm për të përmirësuar kushte për studentët, ofruar mundësi praktike dhe ndihmuar në zhvillimin e aftësive që do t’i përgatitin ata për tregun e punës. Sfidat dhe mundësitë që ofron inxhinieria mekanike janë të shumta dhe përfshijnë sektorë të ndryshëm të shoqërisë dhe ekonomisë, duke i mundësuar studentëve të kontribuojnë në zhvillimin e industrisë në nivel global.

Në fund, fjalimi i Dekanit ka përfunduar me një thirrje për bashkëpunim të mëtejshëm, duke ftuar inxhinierët dhe ekspertët të angazhohen në organizimin e Kongresit ICME 25, i cili do të mbahet në shtator të këtij viti, duke e theksuar rëndësinë e këtij ngjarje për avancimin e fushës.