Me këtë njoftim, ju informojmë se Banka ProCredit në Kosovë ka hapur thirrje për aplikim në programin e praktikës me pagesë për të gjithë studentët e Universitetit të Prishtinës në kuadër të departamentit të Klientëve Privat.

Kush jemi ne?

ProCredit Bank është një bankë e orientuar drejt zhvillimit, duke ofruar shërbime të shkëlqyera për ndërmarrjet e vogla dhe të mesme, si dhe për individët privatë që preferojnë të bëjnë bankimin e tyre nëpërmjet kanaleve elektronike. Ne vlerësojmë transparencën në komunikimin tonë me klientët tanë, përpiqemi të minimizojmë gjurmët tona ekologjike dhe të ofrojmë shërbime të cilat bazohen si në kuptimin e situatës së secilit klient, ashtu edhe në analiza të shëndosha financiare.

Çfarë ofrojmë për ju?

• Ambient profesional të punës.
• Mundësi për të punuar pranë profesionistëve më të mirë të fushës, duke ofruar mentorim dhe këshilla të vlefshme.
• Eksperiencë në një mjedis profesional dhe bashkëpunues, brenda një skuadre të motivuar që nxit zhvillimin personal dhe profesional.
• Mundësi për të punuar në një kompani që njeh dhe vlerëson vlerat e punonjësve.
• Mundësi për punësimi pas përfundimit të praktikës.

Çfarë po kërkojmë ne?

• Të jeni të gatshëm të punoni në orar të plotë, 8 orë në ditë.
• Të keni aftësi të mira në komunikim.
• Të jeni të motivuar për të mësuar dhe zhvilluar personalisht dhe profesionalisht.
• Të jeni fleksibil dhe të gatshëm të punoni edhe në teren.

Vendi i Punës, në njërën nga degët tona në: Prishtinë, Mitrovicë, Pejë, Gjilan, Gjakovë, Prizren, Ferizaj.

Për të aplikuar, ju lutemi dërgoni CV-në tuaj në adresën tonë: [email protected] jo më larg se 30 Qershor 2024.

Suksese!