Aplikimi për Bursa për vitin Akademik 2024/2025 është hapur. Këtë vit Fondacioni “Shqipe Luzha Heroi” do të ndaj 3 bursa në vlerë prej 800 Euro për bursë.

Kriteret për Aplikim për Bursa

Për nder të datëlindjes së Shqipe Luzha Heroi, me 24 Dhjetor, do të bëhet përzgjedhja e bursisteve të reja nga Fondacioni ynë për vitin akademik 2024/2025.

Konkursi është i hapur nga data 18 Nëntor deri më 18 Dhjetor 2024.

Të drejtë aplikimi kanë të gjitha studentet e vitit të 2-të dhe të 3-të të Fakultetit të Inxhinierisë Mekanike në Universitetin e Prishtinës.

Për tu konsideruar për bursë, kandidatet e interesuara duhet të sigurohen që:

• Plotësojnë formën e aplikimit në faqen zyrtare të Fondacionit këtu
• Të mos jenë përfituese të ndonjë burse tjetër
• Të jenë studente të rregullta
• Të jenë shtetase të Republikës së Kosovës