Takimi i menaxhmentit të Fakultetit të Inxhinierisë Mekanike me Taulant Gashin, udhëheqës i kompanive Bora Dental dhe Unicare, ka pasur për qëllim shqyrtimin e mundësive të bashkëpunimit ndërmjet Fakultetit dhe këtyre dy kompanive, të cilat kanë një histori të konsoliduar në industrinë e pajisjeve mjekësore dhe jo vetëm. Kompanitë, janë përfaqësues zyrtarë të markave të njohura ndërkombëtare si Philips Healthcare dhe Abbott Diagnostic për territorin e Kosovës.

Ky bashkëpunim i mundshëm synon të krijojë mundësi për studentët e Fakultetit të Inxhinierisë Mekanike për të marrë përvojë praktike në industrinë e pajisjeve mjekësore dhe teknologjisë, duke ofruar mundësi për praktika dhe punësim të mundshëm. Gjithashtu, kjo mund të ndihmojë në forcimin e lidhjeve mes akademisë dhe industrisë, duke krijuar një urë komunikimi dhe bashkëpunimi që mund të kontribuojë në zhvillimin e të dyja fushave.