Fakulteti i Inxhiniersë Mekanike pati kënaqësinë të mirëpret një grup nxënësish të Shkolles së Mesme të Lartë Teknike “Nexhmedin Nixha” nga Gjakova në një vizitë që kishte qëllim njohjen me programet studimore në nivelin bachelor që i ofron Fakulteti i Inxhiniersë Mekanike. Vizita filloi me një takim të ngrohtë dhe informues me menaxhmentin e fakultetit dhe stafin akademik. Dekani Prof. Dr. Mirlind Bruçi, i njoftoj nxënësit me strukturën e fakultetit, programet akademike dhe kushtet moderne që ofron fakulteti si një mundësi e jashtëzakonshme.

Pas prezantimit fillestar, vizita u zhvendos në ambientet e laboratoreve të specializuara të fakultetit. Nxënësit patën mundësinë të shohin nga afër infrastrukturën dhe pajisjet teknologjike që përdoren për mësimdhënie dhe hulumtime shkencore. Ata e krijuan një përshtypje të jashtëzakonshme për praktikat ma të mira që ndihmojnë studentët të zhvillojnë aftësitë e tyre profesionale dhe të përgatiten për tregun e punës.

Kjo vizitë shërbeu si një mundësi ideale që nxënësit të marrin një pasqyrë të qartë mbi të ardhmen e tyre akademike dhe profesionale.

Fakulteti i Inxhiniersë Mekanike mirëpret Maturantet për vizita të tilla dhe synon të frymëzojë gjeneratën e ardhshme të profesionistëve. Jemi gjithmonë të hapur që vizita të tilla të realizohen edhe nga shkollat tjera ashtu që shohin potencialin që ofron Universiteti i Prishtinës/Fakulteti i Inxhiniersë Mekanike për suksesin e studentëve të ardhshëm!