Studentët e Departamentit të Komunikacionit: Amisa Bejta, Florjana Osmanaj, Eltrit Rama, Flori Cikaqi dhe Erijon Topallaj, në kuadër të lëndës Kontrolli Automatik në Trafik dhe Transport, në udhëheqjen e Prof. Ass. Dr. Gëzim Hoxha, prezantuan prototipet e ndërtuara me anë të teknikave “SMART” për kontrollin dhe menaxhimin e trafikut të motorizuar, lëvizjeve aktive dhe parkingjeve.
Përmes këtyre prototipeve (të cilat mund të jenë të aplikueshme në praktikë), duke përfshirë aplikimin e senzorëve dhe kontrollerit të programueshëm PLC, janë realizuar koncepte të ndryshme për menaxhimin e trafikut sipas kërkesave reale për lëvizje.
Objektivat e realizuara përmes këtyre punimeve përfshijnë:
- Menaxhimin e trafikut me kualitet më të lartë duke përshtatur dhe programuar kontrollorët sipas kërkesave reale për lëvizje nga degët e ndryshme të kryqëzimit.
- Caktimin e prioriteteve të lëvizjeve dhe kohëzgjatjes së intervaleve të gjelbra në parimin e dhënies përparësi (në kohë reale), drejtimeve të lëvizjes me densitet më të lartë.
- Mobilitet të qëndrueshëm për trafikun emotorizuar dhe lëvizjet aktive.
- Zvogëlimin e vonesavekohore në kryqëzime.
- Përmirësimin e nivelit të sigurisë.
