Sekretari është shef i zyrës administrative të fakultetit. Të gjitha çështjet profesionale, administrative dhe teknike në fakultet koordinohen nga sekretari i fakultetit.

Sekretari i fakultetit është përgjegjës që funksionet e caktuara të zyrës administrative të përmbushen në mënyrë efektive dhe efikase.

Sekretari i fakultetit është anëtar i përhershëm i këshillit të fakultetit, pa të drejtë vote. Për punën e vet i përgjigjet dekanit dhe sekretarit të përgjithshëm.

Detyrat dhe përgjegjësitë e sekretarit të fakultetit janë të rregulluara me statut dhe rregullore të UP. Disa nga detyrat dhe përgjegjësitë e Sekretarit të fakultetit janë:

• Ndihmon Dekanin dhe prodekanët në punët e tyre;
• Përgatit dhe menaxhon dosjet personale të stafit dhe studentëve;
• Në bashkëpunim me prodekanin për mësime dhënie, prodekanin për kërkime shkencore dhe zyrtarin për mësim dhe cilësi, e përcjell dhe kujdesët për procedurën rreth zgjedhjeve dhe avancimeve të personelit akademik;
• Përgatit rekomandim dhe i sugjeron dekanit nxjerrjen e Rregullores rreth sistematizimit të vendeve të punës brenda zyrës administrative;
• Kryen detyrat e fakultetit që nuk bëjnë pjesë në fushën e punës së dekanit dhe prodekanëve;
• Jep mendim paraprak me shkrim për ligjshmërinë e propozimeve për akte të përgjithshme dhe individuale të miratuar nga organet udhëheqëse të fakultetit;
• Përgatitë versionet punuese të akteve normative të fakultetit;
• Kryen detyra ligjore lidhur me çështjet statutare të UP brenda juridiksionit të fakultetit;
• Harton shkresa dhe akte tjera normative në nivel të shkallës së parë lidhur me padi, vendime, ankesa dhe parashtresa etj.;
• Administron dhe menaxhon dokumentacionin e fakultetit;
• Harton dhe kontrollon kontratat për palët e treta në koordinim me drejtorin e Institutit;
• Kujdeset për zbatimin e drejtë të rregulloreve të miratuara nga Këshilli i fakultetit;
• Koordinon punën e shërbimeve administrative dhe ndihmëse të fakultetit;
• Kryen detyra tjera të urdhëruara nga Dekani.