Me ftesë të asamblistit David M. Carr të shtetit të Nju Jorkut, delegacioni i Universitetit të Prishtinës "Hasan Prishtina", anëtari i Këshillit Drejtues, z. Rifat Krasniqi dhe drejtori i personelit në universitet, z. Fidan Hamiti - mori pjesë në ceremoninë e vënies së themelit të rrugës Ismail Qemali në Staten Island, Nju Jork.
Në kuadër të këtyre takimeve, asambleja e shtetit në Nju Jork, përveç delegacionit pjesëmarrës në Staten Island, z. Krasniqi dhe z. Hamiti, vlerësoi me mirënjohje dhe rektorin e Universitetit të Prishtinës, dr. Qerimi Qerimi. Mirënjohjet citohen si më poshtë:
“Në shenjë mirënjohje për kontributin e dhënë për komunitetin amerikan dhe shqiptar si një individ i shquar, nga z. Sam Pirozzolo, asambleist i shtetit të Nju Jorkut”.
Përveç përurimit të rrugës Ismail Qemaili, delegacioni i Universitetit të Prishtinës është takuar edhe me anëtarët e asamblesë të shtetit të Nju Jorkut, si dhe përfaqësues të shoqatave shqiptare në Amerikë, gjatë një sërë takimesh.
Në kuadër të takimeve, delegacioni i Universitetit të Prishtinës u takua edhe me ambasadorin William G. Walker.
Prania e delegacionit të Universitetit të Prishtinës në manifestimin e inaugurimit të rrugës Ismail Qemali shënoi një mundësi të rëndësishme për lidhje akademike dhe kulturore mes dy vendeve dhe avancimin e bashkëpunimit të ndërsjellë.
![](/desk/inc/media/0AF80010-9AA6-4677-A4A7-ADE7DA58CDC7.jpg)
![](/desk/inc/media/EACF1806-855D-431B-AD78-5DCF905A7995.jpg)
![](/desk/inc/media/E18C5B13-0BD7-4855-BA6D-1079177DF58C.jpg)
![](/desk/inc/media/0D50A952-6ADB-4C7E-A124-FED846A8E485.jpg)
![](/desk/inc/media/0E021FAB-B31B-487E-B149-CB87CD035198.jpg)
![](/desk/inc/media/9E5EF6D1-ED66-40D9-8EFE-3BA9094D8C9A.jpg)
![](/desk/inc/media/B8F85AB8-5DF1-42D4-91F6-150F0B66BEAB.jpg)
![](/desk/inc/media/81DB7E6F-CC10-4488-9C5A-91ED32E5894E.jpg)