Kalimi në studimet universitare në Fakultetin e Inxhinierisë Mekanike është një hap i rëndësishëm drejt një karriere profesionale në industri, energji, transport dhe teknologji. Për këtë arsye, fakulteti synon të krijojë një mjedis mbështetës për studentët e rinj, duke i ndihmuar ata të përgatiten para fillimit të studimeve dhe duke i udhëzuar gjatë muajve të parë.

Ky mjedis është i përshtatur për programet:

• Prodhimtari dhe Inxhinieri Industriale
• Termoenergjetikë dhe Energji të Ripërtëritshme
• Dizajn Inxhinierik dhe Automjete
• Komunikacion dhe Transport
• Mekatronikë

Këto programe përbëjnë bazën e studimeve bachelor në FIM dhe janë të orientuara drejt tregut të punës dhe zhvillimit teknologjik bashkëkohor.

Çfarë përfshin ky program për studentët?

Informacion praktik për një fillim të suksesshëm

• Udhëzime të qarta për organizimin e studimeve në secilin program
• Informacione për laboratorët, projektet dhe praktikat profesionale
• Orientim për strukturën e studimeve (180 ECTS, 3 vite)

Mbështetje akademike dhe zhvillim i aftësive

• Këshilla për aftësitë bazë në inxhinieri
• Ndihmë në planifikim, menaxhim kohe dhe të mësuar efektiv
• Mbështetje në shkrim teknik dhe raportim inxhinierik

Përgatitje specifike sipas programeve

• Prodhimtari dhe Inxhinieri Industriale: bazat e proceseve prodhuese dhe menaxhimit të sistemeve
• Termoenergjetikë dhe Energji të Ripërtëritshme: njohuri mbi energjinë, HVAC (ngrohje, ventilim, air i kondicionuar) dhe burimet e ripërtëritshme
• Dizajn Inxhinierik dhe Automjete: konceptim dhe zhvillim i produkteve dhe sistemeve mekanike
• Komunikacion dhe Transport: analiza dhe planifikimi i sistemeve të trafikut